ජනපති මෛත්‍රිපාල සිරිසේන සිය ධූර කාලය තුළදී ගමන් කරන අවසන් විදෙස් සංචාරය බවට සැලකෙන ජපාන නරුහිතෝ රජු කිරුළ දැරීමේ උත්සවය වෙනුවෙන් තුන් දින නිල සංචාරයක් සඳහා අද (21) දින අලුයම කටුනායක ගුවන් තොටුපළෙන් පිටත්ව ගිය බව වාර්තා විය. සිය පවුලේ සාමාජිකයන් සමග දූත පිරිස ලෙස 21 දෙනෙකු ද  මෙම සංචාරය සඳහා එක් වී සිටි බව වාර්තා විය.
මෙම පිරිස අද දින අලුයම 1.10 ට තායි ගුවන් සේවයේ ටී.ජී.- 308 දරන ගුවන් යානයෙන් පිටත්ව ගොස් තිබේ.
22 අඟහරුවාදා පැවැත්වීමට නියමිත

ජපානයේ නරුහිතෝ අධිරාජ්‍යයාගේ රාජාභිෂේකය සිදුවන්නේ මින් ඉහත අකිහිතෝ අධිරාජ්‍යයා සිය තනතුර වෙනස් කර එමරිටස් අධිරාජ්‍යයා බවට පත්වීමෙන් පසු ඔහුගේ පුත් නරුහිතෝ ඒ වෙනුවෙන් නම් කළ පසුය.
මාස කිහිපයක් පුරා සිදුවන බොහෝ උත්සව හා සිදුවීම්  අතර නව අධිරාජ්‍යයාගේ සිංහාසනය සනිටුහන් කරන නිල උත්සවය ඔක්තෝබර් 22 වන අඟහරුවාදා ලොව පුරා සම්භාවනීය අමුත්තන් ඉදිරියේ පැවැත්වීමට නියමිතය.
මෛත්‍රිපාල සිරිසේන  පවුලේ උදවිය හා 21 දෙනා මෙයට එක්වන්නේ ශ්‍රී ලංකාව නියෝජනය කිරීමටය.

LEAVE A REPLY

Please enter your comment!
Please enter your name here