රුසියාවේ සිටින එක්සත් ජනපද දූත මණ්ඩලයේ 775 දෙනකුට එරටින් පිටව යන්නැයි ජනාධිපති වැලැදිමීර් පුටින් නියෝග කර තිබේ.

ඇමෙරිකාව රුසියාවට සම්බාධක පැනවීමට ගත් තීරණයට එකට එක කිරීමක් ලෙස රුසියානු ජනාධිපතිවරයා මෙම තීරණය ගෙන තිබේ.

ජනාධිපති වැලැදිමීර් පුටින්ගේ එම තීරණයට අනුව රුසියාවේ සිටින ඇමෙරිකා රාජ්‍ය තාන්ත්‍රික නිලධාරීන් 775 දෙනකු සැප්තැම්බර් 1 වැනි දා වනවිට රුසියාවේ පිටත්ව යා යුතුය. එසේ නිලධාරීන් 775 දෙනකු ඉවත්ව යෑමත් සමඟ රුසියාවේ ඉතිරිවන ඇමෙරිකා එක්සත් ජනපද රාජ්‍ය තාන්ත්‍රික නිලධාරීන් ප්‍රමාණය 455 ක් වනු ඇත.

මෙම සිදුවීම නූතන ඉතිහාසයේදී රටක් එරට සිටින රාජ්‍ය තාන්ත්‍රික නිලධාරීන්  මෙතරම් සංඛ්‍යාවක් නෙරපූ පළමු අවස්ථාව ලෙස සටහන් වනු ඇත. තමාට තවදුරටත් පියවර ගැනීමට අවශ්‍ය නොවූ බවත් දෙරට අතරේ තිබෙන සබඳතා නොවෙනස්වනු ඇති බවත් තීරණය දැනුම් දෙමින් රුසියානු ජනාධිපතිවරයා ප්‍රකාශ කළේය.

රුසියාවට සම්බාධක පනවමින් ඉදිරිපත් කරන ලද පනත් කෙටුම්පතට ඇමෙරිකා එක්සත් ජනපද සෙනට් මණ්ඩලයේ සහ නියෝජිත මන්ත්‍රී මණ්ඩලයේ අනුමැතිය හිමි වූ අතර ජනාධිපති ඩොනල්ඞ් ට්‍රම්ප් ඊට අත්සන් තැබීමට නියමිතය.

Image result for putin

LEAVE A REPLY

Please enter your comment!
Please enter your name here